Xitoy armiyasi AQShning josuslik xavotiri tufayli Windows operatsion tizimidan voz kechadi.
Yangi OT Linuxga asoslanmaydi, lekin noldan boshlab ishlab chiqiladi.
Xitoy va AQSh o‘rtasidagi savdo-siyosiy mojaro avj olgan bir paytda Pekin mamlakat qurolli kuchlari tomonidan foydalaniladigan kompyuterlarda Windows o‘rnini bosuvchi o‘z operatsion tizimini ishlab chiqishga qaror qildi, deb xabar bermoqda Kanwa Asian Defense harbiy jurnali o‘z manbalariga tayanib. Nashr ma`lumotlariga ko’ra, yangi OT Linux bazasida bo’lmaydi, balki noldan boshlab ishlab chiqiladi. Bu qaror AQSh razvedka agentliklarining turli xil xakerlik vositalarining sizdirilishi bilan bog‘liq bo‘lib, ular AQSH deyarli har qanday qurilmani – standart routerlar, Windows va macOS tizimlaridan tortib smart televizorlar va Linux serverlarigacha buzishi mumkinligini ko‘rsatdi.
Shu munosabat bilan Xitoy hukumati “yashirinlik orqali xavfsizlik” deb atalmish yondashuvni qo‘llash va o‘zining operatsion tizimini joriy etish niyatida, bu esa xorijiy mamlakatlarga josuslik qilishni yanada qiyinlashtiradi.
Yangi operatsion tizimni ishlab chiqish bilan bevosita Xitoy Kommunistik partiyasi Markaziy Qo’mitasiga bo’ysunuvchi maxsus tuzilgan agentlik shug’ullanadi va harbiy va razvedka xizmatlaridan alohida bo’ladi. Tugatish sanasi e’lon qilinmagan.
