Xitoy fuqarosi Trampning uyiga zararli dastur o’rnatilgan flesh-diskni yashirincha olib kirishga uringan.
Xitoylik ayol yolg’on guvohlik berish va chegarani buzib kirishda ayblanmoqda.
Xitoy fuqarosi Yujing Chjan AQSh prezidenti Donald Trampning Florida shtatining Palm-Bich shahridagi Mar-a-Lago qarorgohiga noqonuniy ravishda kirdi. U zararli dastur o’rnatilgan USB fleshkani olib yurgan edi. Sud hujjatlariga ko’ra, Chjan xavfsizlik xodimlarini o’zini eksklyuziv Mar-a-Lago klubi a’zosi ekanligiga va basseyndan foydalanmoqchi ekanligiga ishontirgan. Uning familiyasi a’zoning familiyasi bilan mos kelgani uchun xavfsizlik xodimi uni qarorgohga kirishga ruxsat bergan.
Keyin Chjan qabulxonaga yo’l oldi va u yerda BMT homiyligidagi Xitoy-Amerika Assotsiatsiyasining ma’lum bir tadbirida qatnashish niyatini bildirdi. U xitoy tilida taklifnoma ko’rsatdi. Bunday tadbir rejalashtirilmaganligi sababli, u hibsga olindi.
Tintuv davomida undan to’rtta smartfon, noutbuk, tashqi qattiq disk va zararli dasturlar saqlanadigan flesh-disk musodara qilindi. Chjan yolg’on guvohlik berish va maxfiy ma’lumotlarga kirishda ayblanmoqda. Uning sud majlisi kelasi hafta bo’lib o’tadi.
