Yevropa regulyatori Microsoft shartnomalarini ko’rib chiqadi
EDPS Microsoftning Yevropa tashkilotlari bilan tuzgan shartnomalarini Umumiy ma’lumotlarni himoya qilish to’g’risidagi Nizomga muvofiqligini ko’rib chiqadi.
Yevropa ma’lumotlarni himoya qilish bo’yicha nazoratchisi (EDPS) Microsoftning Yevropa tashkilotlari bilan tuzgan shartnomalari bo’yicha tekshiruv boshladi. Regulyator shartnomalardagi bandlar Umumiy ma’lumotlarni himoya qilish to’g’risidagi Nizomga (GDPR) muvofiqligini aniqlash niyatida. EDPS tergovni Gollandiya rasmiylari shu yilning fevral oyida Microsoft Office ProPlus va Office 365 dasturlarida sakkizta GDPR buzilishini aniqlaganidan keyin boshladi. Regulyatorning tushuntirishicha, Gollandiya rasmiylari tomonidan aniqlangan qoidabuzarliklar Microsoftning Yevropa tashkilotlari bilan tuzgan shartnomalari bo’yicha tekshiruvni boshlashning asosiy sababi hisoblanadi.
Regulyator ta’kidlaganidek, Yevropa tashkilotlari Microsoft Office’dan keng foydalanadilar va Office ProPlus va Office 365’da aniqlangan qoidabuzarliklar ulardan foydalanuvchi barcha kompaniyalarga ta’sir qiladi.
O’z navbatida, Microsoft audit davomida aniqlangan qoidabuzarliklarni tuzatish uchun choralar ko’rdi. Joriy yilning fevral oyida kompaniya mahsulot GDPR talablariga muvofiqligini ta’minlash uchun aprel oyi oxiriga qadar Office ProPlus ma’lumotlarini yig’ish mexanizmiga o’zgartirishlar kiritish niyatini e’lon qildi.
