Yirik texnologiya kompaniyalari o‘z xodimlariga Huawei’dagi hamkasblari bilan bog‘lanishni taqiqladi.
Intel, Qualcomm, InterDigital Wireless va LG Uplus o‘z xodimlariga Huawei xodimlari bilan norasmiy muloqot qilish taqiqlangani haqida ma’lum qildi.
Bir qancha yirik texnologiya kompaniyalari o‘z xodimlariga Xitoyning Huawei Technologies korporatsiyasidagi hamkasblari bilan texnologiyalar va texnologiya standartlarini muhokama qilishni taqiqladi. Bu qadam Huawei kompaniyasining yaqinda AQSh Savdo vazirligining qora ro‘yxatiga kiritilgani bilan bog‘liq, deb xabar bermoqda Reuters bu masaladan xabardor manbalarga tayanib. Agentlik maʼlumotlariga koʻra, Intel, Qualcomm, InterDigital Wireless va LG Uplus oʻz xodimlariga Huawei xodimlari bilan norasmiy muloqot qilish taqiqlangani haqida maʼlum qilgan. Xabarlarga ko’ra, bunday suhbatlar muhandislar aloqa texnologiyalari standartlarini muhokama qiladigan xalqaro yig’ilishlarda standart amaliyotdir.
Joriy yilning 16-may kuni Savdo vazirligi Xitoy texnologik gigantini amerikalik biznesga AQSh hukumati ruxsatisiz biznes yuritishi taqiqlangan kompaniyalar ro‘yxatiga qo‘shdi. Departament kompaniyalarga Huawei bilan biznes yuritishni taqiqlamadi; ammo, Reuters xabar berishicha, bir qancha kompaniyalar AQSh hukumati bilan yuzaga kelishi mumkin bo‘lgan muammolarni oldini olish uchun Huawei bilan bevosita aloqalarini cheklashga qaror qilgan.
Eslatib o‘tamiz, avvalroq Amerikaning Facebook korporatsiyasi Huawei smartfonlariga o‘z ilovalarini (Facebook, Instagram va WhatsApp) oldindan o‘rnatishni taqiqlagani haqida xabar berilgandi.
