2018-yilgi Olimpiada o‘yinlariga sabotaj uyushtirgan xakerlar yana ishga kirishdilar.

Bu safar Rossiya banklari va Ukraina kimyo laboratoriyalari «Olympic Destroyer» qurboniga aylandi.

2018-yilgi Pxyonchxanda bo’lib o’tgan Qishki Olimpiada o’yinlari tashkilotchilari, hamkorlari va yetkazib beruvchilariga hujum qilgani bilan tanilgan yuqori malakali xakerlar guruhi Olympic Destroyer o’z faoliyatini qayta boshladi. Kaspersky Lab mutaxassislarining fikriga ko’ra, Olympic Destroyerning asosiy maqsadi tarmoq qurtidan foydalangan holda sabotaj qilish edi. Hujumni boshlashdan oldin, jinoyatchilar o’z-o’zini ko’paytiradigan, o’zini o’zgartiradigan qurt uchun eng mos «ishga tushirish paneli»ni aniqlash uchun maqsadli tarmoqlarni skaut qilishdi. Joriy yilning may va iyun oylarida Kaspersky Lab mutaxassislari ilgari Olympic Destroyer tomonidan tarqatilganlarga o’xshash zararli qo’shimchalarni o’z ichiga olgan yangi fishing elektron pochta xabarlarini aniqladilar. Tahlillar shuni tasdiqladiki, ular yangi maqsadlarni tanlagan bo’lsalar ham, ushbu elektron pochta xabarlari ortida xuddi shu guruh turgan. Fishing elektron pochta xabarlari va telemetriya ma’lumotlarini tahlil qilish asosida tadqiqotchilar Olympic Destroyerning yangi nishonlari Rossiyadagi moliya institutlarini, shuningdek, Yevropa va Ukrainadagi kimyoviy va biologik xavfsizlikka ixtisoslashgan laboratoriyalarni o’z ichiga olishini aniqladilar.

Avvalgidek, hujumchilar aniqlanishdan qochish uchun murakkablashtirilgan (obfuscated) skriptlar va faylsiz zararlash usulidan foydalanmoqdalar. Tadqiqotchilarning fikricha, xakerlar zararli dasturiy ta’minotni joylashtirish va boshqarish uchun buzib kirilgan qonuniy veb-serverlardan foydalanadilar; masalan, mutaxassislar Joomla kontentni boshqarish tizimiga xos bo‘lgan katalog tuzilmalarini aniqladilar. Biroq, mutaxassislar xakerlar tomonidan foydalanilgan aniq zaiflikni aniqlay olmadilar.