2019-yilda tarmoq qurtlarining yangi avlodi paydo bo’ladi

Tadqiqotchilar kelgusi yilda faylsiz «bug’lanuvchi» qurtlar paydo bo’lishini bashorat qilishmoqda.

Kelgusi yili tizim zaifliklari orqali avtomatik ravishda tarqaladigan faylsiz zararli dasturlarning yangi avlodi — «bug’lanib ketuvchi» tarmoq qurtlari yoki bug’ qurtlari paydo bo’lishi mumkin. Bu haqda WatchGuard Technologies tadqiqotchilari 2019-yilgi kibertahdidlar prognozida xabar berishdi. An’anaviy xavfsizlik vositalari yordamida faylsiz zararli dasturlarni aniqlash va blokirovka qilish juda qiyin, chunki bunday zararli dasturlar to’g’ridan-to’g’ri kompyuter xotirasidan ishlaydi va maqsadli tizimda hech qanday fayl qoldirmaydi. Yamalmagan tizimlar soni har yili ortib borishi bilan, dasturiy ta’minot zaifliklari orqali avtomatik ravishda tarqaladigan yangi qurtlarning paydo bo’lishi muqarrar. Ikkala tendentsiyani ham hisobga olgan holda, mutaxassislar 2019-yil bug’ qurtlari yili bo’lishiga ishonishadi.

WatchGuard Technologies tadqiqotchilari shuningdek, 2019-yilda internet infratuzilmasiga davlat tomonidan homiylik qilingan hujumlar paydo bo’lishini bashorat qilmoqdalar. «Hukumat xakerlari» tomonidan hujumlar sonining ortib borishi sababli, BMT bu muammoni faol ravishda hal qiladi va xalqaro kiberxavfsizlik shartnomasini qabul qiladi.

Boshqa taxmin qilingan tahdidlar qatoriga zararli chatbotlar, biometrik autentifikatsiya tizimlarini buzish, sanoat va kommunal xizmatlar kompaniyalariga qarshi maqsadli ransomware kampaniyalari va boshqalar kiradi.

2019-yilgi kibertahdidlar prognozi haqida ko’proq ma’lumotni bu yerdan olishingiz mumkin.