25 ta Android smartfon modelining dasturiy ta’minotida bir nechta zaifliklar aniqlandi.

Zaif smartfonlar ro’yxatiga ZTE, Sony, Nokia, LG, Asus, Alcatel kabi yirik brendlar kiradi.

Las-Vegasda bo’lib o’tgan DEF CON kiberxavfsizlik konferensiyasida Kryptowire tadqiqotchilari 25 ta Android smartfon modellarining dasturiy ta’minoti va ilovalaridagi 47 ta zaiflik haqida batafsil ma’lumot taqdim etdilar. Zaifliklar oddiy nosozliklarga olib keladigan muammolardan tortib, tajovuzkorlarga root huquqlarini olishga imkon beradigan xavfli zaifliklargacha bo’lgan muammolarni o’z ichiga oladi. Muammolar oldindan o’rnatilgan va ba’zi hollarda butunlay o’chirib tashlangan ilovalarda hamda qurilmaning dasturiy ta’minotida aniqlangan.

Eng xavfli zaifliklarning ba’zilari tajovuzkorga foydalanuvchining telefonidan SMS xabarlarni olish yoki yuborish, telefon ekranida nimalar bo’layotganini suratga olish va videoga olish, kontaktlar ro’yxatini o’g’irlash, o’zboshimchalik bilan uchinchi tomon ilovalarini o’rnatishga majburlash va ma’lumotlarni o’chirish imkonini beradi.

Zaif smartfonlar ro’yxatiga ZTE, Sony, Nokia, LG, Asus va Alcatel kabi yirik brendlar, shuningdek, Vivo, SKY, Plum, Orbic, Oppo, MXQ, Leagoo, Essential, Doogee va Coolpad kiradi.