319 million iCloud foydalanuvchisining shaxsiy ma’lumotlari ochko’z dasturchi tufayli xavf ostida qoldi.

Agar Apple 150 000 dollardan ortiq miqdorda Bitcoin to’lamasa, shantajchi iCloud foydalanuvchi ma’lumotlarini sotish bilan tahdid qildi.

Vestminster Magistratlar sudi iCloud foydalanuvchilarining shaxsiy ma’lumotlarini sotish bilan tahdid qilgan 21 yoshli IT tahlilchisi Kerem Albayrakning ishini ko’rib chiqdi. Ish materiallariga ko’ra, Albayrak YouTube’da iCloud akkauntlarini buzish jarayonini namoyish etuvchi videoni joylashtirdi va Apple’dan 150 000 dollardan ortiq miqdorda Bitcoin to’lashni va 1100 dollarlik iTunes sovg’a kartalarini taqdim etishni talab qildi. Aks holda, dasturchi ma’lumotni sotish bilan tahdid qildi, deb xabar beradi Britaniyaning The Daily Mail nashri.

Albayrak dastlab 75 ming dollar miqdorida tovon puli talab qilgan, ammo keyin fikridan qaytgan va summani 150 ming dollarga oshirgan. Nashrning xabar berishicha, dasturchi shantaj va kompyuterni buzish niyatida ruxsatsiz harakatlar qilganlikda ayblanmoqda. Albayrak shu yilning 14-noyabriga belgilangan dastlabki sud majlisiga qadar garov evaziga ozod qilindi.