Adidas millionlab mijozlar bilan bog’liq ma’lumotlarning o’g’irlanishi mumkinligi haqida ogohlantirdi.

Hujumchilar aloqa ma’lumotlari, foydalanuvchi nomlari va parollarni o’g’irlagan bo’lishi mumkin.

Adidas xakerlar tomonidan mijozlar ma’lumotlarining o’g’irlanishi mumkinligi haqida xabar berdi. Kompaniya e’loniga ko’ra, taxmin qilinayotgan buzg’unchilik 26-iyun kuni sodir bo’lgan. Adidas vakillarining aytishicha, hujumchilar kompaniyaning Amerika onlayn-do’konidan xarid qilgan mijozlar haqidagi ma’lumotlarga kirishgan bo’lishi mumkin.

«26-iyun kuni Adidas ruxsatsiz shaxs bir qator Adidas mijozlariga tegishli ma’lumotlarni olganini da’vo qilganini aniqladi», deyiladi bayonotda. Kompaniya qaysi «ruxsatsiz tomon» ishtirok etganini aniqlamadi, ammo mijozlarning to’lov kartalari ma’lumotlari xavfsiz ekanligiga ishontirdi.

Hujumchilar aloqa ma’lumotlari, loginlar va parollarni o’g’irlagan bo’lishi mumkin. Kompaniya vakillari Los Angeles Times gazetasiga bir necha million foydalanuvchining shaxsiy ma’lumotlari buzilgan bo’lishi mumkinligini aytishdi.