Adobe Flash Player’dagi «nol-kun» (zero-day) zaifligini bartaraf etdi.

Umuman olganda, kompaniya to‘rtta zaiflikni, jumladan, bitta kritik kamchilikni bartaraf etdi.

Adobe Flash Player’dagi to‘rtta xavfli zaiflikni, shu jumladan, masofadan turib ixtiyoriy kodni bajarishga imkon beruvchi bufer to‘lib-toshib ketishi (buffer overflow) muammosini (CVE-2018-5002) tuzatdi.

Adobe vakillarining ma’lum qilishicha, CVE-2018-5002 zaifligidan Windows foydalanuvchilariga hujum qiluvchi xakerlar allaqachon foydalanmoqda. Hujumchilar ushbu eksploitni elektron pochta orqali tarqatib, uni maxsus tayyorlangan Flash komponentini o‘z ichiga olgan zararli Microsoft Office hujjatlari ichiga yashirmoqdalar.

Flash Player’ning eng so‘nggi versiyasi (30.0.0.113) yana uchta zaiflikni ham bartaraf etadi. Xususan, u kod bajarilishiga imkon berishi mumkin bo‘lgan CVE-2018-4945, shuningdek, maxfiy ma’lumotlarning oshkor bo‘lishiga olib kelishi mumkin bo‘lgan CVE-2018-5000 va CVE-2018-5001 zaifliklarini tuzatadi. Ushbu muammolar Adobe Flash Player’ning 29.0.0.171 va undan oldingi versiyalariga ta’sir qiladi.

Adobe kompaniyasiga CVE-2018-5000 va CVE-2018-5001 zaifliklari haqida Trend Micro’ning Zero Day Initiative (ZDI) tashabbusi orqali xabar berilgan. CVE-2018-4945 zaifligi esa Tencent kompaniyasi xavfsizlik bo‘yicha tadqiqotchilari tomonidan aniqlangan.

Murakkab tahdidlarga qarshi kurash guruhi (Advanced Threat Response Team) ma’lumotlariga ko‘ra, CVE-2018-5002 zaifligidan foydalanuvchi hujumlar asosan Yaqin Sharqdagi foydalanuvchilarga qaratilgan.