Apple politsiyaning iPhone’larga kirishini to‘sib qo‘ydi.

iOS 12 ning yakuniy versiyasi chiqarilishi bilan huquqni muhofaza qilish organlari GrayKey yordamida qurilmalardagi ma’lumotlarga kirish imkoniyatini butunlay yo’qotdilar.

Bir necha oy oldin Apple o’zining iOS mobil operatsion tizimida USB cheklangan rejimini joriy qildi, bu iPhone’larni huquqni muhofaza qilish organlari tomonidan qurilma ma’lumotlariga kirish uchun ishlatiladigan GrayKey kabi vositalardan himoya qildi. Biroq, mutaxassislarning yangi majburiy qulflash xususiyatini chetlab o’tishlari ko’p vaqt talab qilmadi. Forbes xabar berishicha, iOS 12 ning so’nggi versiyasi chiqarilishi bilan huquqni muhofaza qilish organlari GrayKey yordamida qurilma ma’lumotlariga kirish imkoniyatini butunlay yo’qotdi. Manbalarga ko’ra, GrayKey endi iOS 12 yoki undan keyingi versiyalarda ishlaydigan biron bir iPhone yoki iPad uchun parollarni ololmaydi. Asbobning imkoniyatlari «qisman ajratib olish» bilan cheklangan, ya’ni GrayKey faqat fayl hajmi yoki papka tuzilishi kabi shifrlanmagan metama’lumotlarga kirishi mumkin.

Apple yaqinda o’zgarishlarni amalga oshirganmi yoki yangi qulflash mexanizmi shu yilning sentyabr oyida chiqarilgan iOS 12 da joriy etilganmi, hozircha noma’lum. Ishlab chiqaruvchi qurilmalarni GrayKeydan qanday himoya qilishga muvaffaq bo’lganligi ham noma’lum. Mutaxassislarning fikricha, Apple yadro xavfsizligini yaxshilagan va konfiguratsiya profilini o’rnatishga qattiqroq cheklovlar qo’ygan bo’lishi mumkin.