AQSh Davlat departamenti xodimlarining shaxsiy ma’lumotlari kiberjinoyatchilar qo’liga tushib qoldi

Ma’lumotlar departamentning elektron pochta akkauntiga xakerlik hujumi natijasida sizib chiqdi.

Noma’lum hujumchilar AQSh Davlat departamentining maxfiy bo‘lmagan elektron pochta tizimini buzib, oz sonli departament xodimlarining ma’lumotlariga kirish imkoniga ega bo‘ldi, deb yozadi Politico. 7-sentabr kuni xodimlarga yuborilgan va jurnalistlar ko‘rib chiqish imkoniga ega bo‘lgan xabarnomaga ko‘ra, voqea “xodimlarning pochta qutilarining 1 foizdan kamiga ta’sir qilgan”. Qayd etilganidek, maxfiy pochta tizimi buzilmagan.

Davlat departamenti hozirda hodisani tekshirmoqda va muammoning ko’lamini baholamoqda. Nashr manbalari xakerlik hujumi ortidagi jinoyatchilar aniqlanganmi yoki yo’qmi, oshkor qilmadi.