AQSh Demokratik partiyasi bolalardan ovoz berish tizimlarini buzib kirishni so’raydi.

Demokratik Milliy Qo’mitaga ko’ra, hatto bola ham ovoz berish tizimlarini buzib kirishi mumkin.

Demokratik Milliy Qo’mitaga ko’ra, hatto 8 yoshli bola ham Amerika ovoz berish tizimlarini buzib kirishi mumkin. Shuning uchun tashkilot saylov natijalarini e’lon qiluvchi veb-saytlarning maktab yoshidagi bolalarning kiberhujumlariga qarshi chidamliligini sinab ko’rishga qaror qildi. Wired nashrining xabar berishicha, Milliy Qo’mita kelasi hafta Las-Vegasda Def Con konferensiyasi doirasida bo’lib o’tadigan xakerlik musobaqasining homiylaridan biriga aylandi. Musobaqa davomida 8-16 yoshli bolalar yuqorida tilga olingan veb-saytlarning nusxalarini buzishga harakat qilishadi. Sovrin jamg’armasi 2500 dollarni tashkil etadi, shundan 500 dollari Milliy Qo’mita tomonidan eng yaxshi xavfsizlik strategiyasini taqdim etgan ishtirokchiga shaxsan beriladi.

AQSh Ichki xavfsizlik departamentining sobiq xodimi Jeyk Braun ta’kidlaganidek, bolalarning xakerlik musobaqalarida ishtirok etishi shunchaki ovoz berish tizimi xavfsizligi muammosiga e’tiborni jalb qilishning yoqimli usuli emas. Tizimlarning xavfsizligi shunchalik zaifki, kattalar xakerlari shunchaki ularga kirishga qiziqishmaydi. «Agar biz ulardan so’rasak, xakerlar bizni sahnadan kulib yuborishardi», deb ta’kidladi Braun.