AQSh Rossiyaning saylovlarga aralashuviga qarshi birinchi kiber operatsiyasini boshladi.

Bu kampaniya AQSh saylovlarini himoya qilish uchun amalga oshirilgan birinchi ma’lum xorijiy kiber operatsiyadir.

AQSh hukumati Rossiyaning saylovlarga aralashishga urinishlarining oldini olish uchun o’zining birinchi kiber operatsiyasini boshladi. New York Times gazetasining xabar berishicha, AQSh Kiber qo’mondonligi saylov dezinformatsiyasini tarqatayotgan individual agentlarni aniqladi va ularga ularning faoliyati kuzatilayotgani haqida xabar berdi. Ushbu kampaniya AQSh saylovlarini, jumladan, 6-noyabrga belgilangan oraliq saylovlarni himoya qilish uchun amalga oshirilgan birinchi ma’lum xorijiy kiber operatsiyadir. New York Times manbalari aniqlangan agentlar sonini yoki ularga qanday xabar berilganini oshkor qilmayapti. Yuqori lavozimli amaldorlarning so’zlariga ko’ra, agentlar to’g’ridan-to’g’ri tahdidlar olmagan. Biroq, AQSh hukumatining boshqa «Rossiya agentlari»ga qarshi harakatlari haqida bilib olgach, ular ham aniqlanishi va sanksiyalarga duchor bo’lishi mumkinligini tushunishadi. Yangi Amerika Xavfsizligi Markazi tadqiqotchisi Andrea Kendall-Teylorning so’zlariga ko’ra, hatto e’lon qilinmagan sanksiyalar tahdidi ham yashirin dezinformatsiya kampaniyalarida ishtirok etishni to’xtatishi mumkin.

New York Times gazetasining ta’kidlashicha, Kiber qo’mondonlikning operatsiyalari, ayniqsa Rossiyaning «tobora murakkablashib borayotgan dezinformatsiya usullaridan foydalanish»ga urinishlari bilan solishtirganda, nisbatan cheklangan ko’rinadi.