AQSh, Xitoy va Rossiya Makronning internetni tartibga solish rejasini rad etishdi.

Mutaxassislarning fikriga ko’ra, hujjat deklarativ bo’lib, amaliy foyda keltirmaydi.

Dushanba, 12-noyabr kuni Fransiya prezidenti Emmanuel Makron YuNESKO forumida «Kibermakonda ishonch va xavfsizlik uchun Parij chaqirig’i» deb nomlangan yangi tashabbusni taqdim etdi – bu mamlakatlarning kibermakonda xalqaro normalarga rioya qilishini ta’minlash uchun mo’ljallangan memorandum. Hujjatga ko’ra, tashabbus ishtirokchilari internet foydalanuvchilarini himoya qilishga; fuqarolar va muhim infratuzilmaga tahdid soluvchi zararli faoliyatning oqibatlarini oldini olishga va ularga qarshi kurashishga; internetning yaxlitligini buzishi mumkin bo’lgan harakatlarning oldini olishga; saylov jarayonlariga xorijiy aralashuvning oldini olishga yordam berishga; intellektual mulkni o’g’irlashning oldini olishga va boshqa ko’p narsalarga sodiqdirlar.

Hujjatda belgilangan maqsadlarga erishish bo’yicha aniq chora-tadbirlar nazarda tutilmagan; faqat tomonlar «mavjud hokimiyatlar va tegishli tashkilotlar, muassasalar, mexanizmlar va jarayonlar orqali birgalikda harakat qilish, o’zaro yordam ko’rsatish va qo’shma chora-tadbirlarni amalga oshirishga qaror qildilar».

Memorandum 51 mamlakat, bir necha yuz kompaniya va qariyb 100 ta notijorat tashkilot, universitetlar va inson huquqlari guruhlarining qo’llab-quvvatlashiga sazovor bo’ldi. Qo’shma Shtatlar, Xitoy va Rossiya, shuningdek, Shimoliy Koreya, Buyuk Britaniya, Eron, Isroil va boshqa bir qator davlatlar hujjatni imzolamadi.

Shartnomada shartnoma shartlarini buzgan imzolovchilar uchun jazo choralari ko’rsatilmagan. Mutaxassislarning fikricha, hujjat faqat deklarativ xarakterga ega va amaliy foydasiz.