AQShdagi bir nechta gaz transporti kompaniyalari kiberhujum qurboni bo’lishdi

В США НЕСКОЛЬКО ГАЗОТРАНСПОРТНЫХ ФИРМ СТАЛИ ЖЕРТВАМИ КИБЕРАТАКИ

Kiberhujum dastlab Energy Services Group kompaniyasining Latitude Technologies bo’limiga qaratilgan edi.

Bloomberg agentligining xabar berishicha, Qo’shma Shtatlarda gaz quvurlarini ta’mirlash bilan shug’ullanadigan bir nechta kompaniyalar kiberhujumga uchragan.

Xususan, to’rtta kompaniya elektron ma’lumotlar almashinuvi (EDI) tizimlari so’nggi bir necha kun davomida ishlamay qolganini aytishdi, ulardan uchtasi uzilishlar kiberhujumlar bilan bog’liqligini tasdiqladi.

Kiberhujum dastlab Energy Services Groupning Latitude Technologies bo’limiga qaratilgan bo’lib, u butun dunyo bo’ylab 100 dan ortiq gaz tashish kompaniyalari, omborxonalar, kommunal xizmatlar, yuridik firmalar va marketologlarga EDI va boshqa texnologik xizmatlarni taqdim etadi. EDI – bu kompaniyalar tomonidan xarid buyurtmalari va schyot-fakturalar kabi hujjatlar almashish uchun foydalaniladigan platforma. Energiya kompaniyalari uchun tizim asosiy energiya sotib olish va sotish operatsiyalarini shifrlash, parolini ochish, tarjima qilish va kuzatish uchun ishlatiladi.

Energy Transfer Partners elektron ma’lumotlar almashish tizimidagi muammolar haqida xabar bergan birinchi kompaniya bo’ldi. Hodisa Boardwalk Pipeline Partners, Eastern Shore Natural Gas va ONEOK Inc. kompaniyalariga ham ta’sir ko’rsatdi. Biroq, ONEOK vakillari uchinchi tomon EDI ni o’chirib qo’yish qarori «ehtiyot chorasi» ekanligini ta’kidladilar.
Kiberhujum tafsilotlari noma’lum, ammo Latitude Technologies ma’lumotlariga ko’ra, mijozlarning ma’lumotlari buzilmagan va boshqa tizimlarga ta’sir ko’rsatilmagan. EDI xizmatini tiklash endi yakunlandi va kompaniya ish faoliyatini yaxshilash ustida ishlamoqda.

«Kiberhujum moliyaviy jihatdan motivatsiya qilingan ko’rinadi. Biroq, xakerlarning hukumatlar bilan aloqalarini istisno qilishning iloji yo’q», deb ta’kidladi sanoat tizimlari kiberxavfsizligi bo’yicha mutaxassis Fil Neray.