AQShlik mahbuslar internetdan yuzlab harbiy xizmatchilarni shantaj qilish uchun foydalanganlar.

Mahbuslar tanishuv saytlarida jabrlanuvchilarni topib, ular bilan ochiqchasiga suratga tushishgan va keyin pul talab qilishgan.

AQSh qurolli kuchlarining yuzlab xodimlari qamoqxona mahbuslari tomonidan tovlamachilik qurboni bo‘ldi. Harbiy-dengiz kuchlarining jinoyat qidiruv xizmati (NCIS) maʼlumotlariga koʻra, tashqi sheriklari yordamida Janubiy va Shimoliy Karolina qamoqxonalaridagi mahbuslar tanishuv saytlari va ijtimoiy tarmoqlarda harbiy xizmatchilarni qidirib, ular bilan internetda uydirma ismlar ostida ishqiy munosabatda boʻlishgan va ochiq suratlar almashgan. Keyin ular uydirma shaxsning otasi niqobi ostida jabrlanuvchilar bilan bog‘lanib, “bolaning” voyaga etmagani va u bilan ochiq-oydin suratlar almashishi qonun buzilishi ekanligini ta’kidlagan.

Ba’zi hollarda, agar harbiy xizmatchi unga pul mukofoti to’lasa, «ota» shikoyat qilmaslikka rozi bo’lgan. Ba’zan firibgarlar jabrlangan «bola»ning oilasi uchun pul talab qilayotgan huquqni muhofaza qilish organlari xodimlari sifatida o’zini ko’rsatishgan.

Yuqorida tavsiflangan firibgarlik so’nggi yillarda tobora ommalashib bormoqda. NCIS hisobotida ko’rsatilganidek, hatto internetga kirish imkoniyati cheklangan mahbuslar ham bu sxemani amalga oshirishlari mumkin.

«Janubiy Karolinadagi axloq tuzatish muassasasidagi mahbuslar, tashqaridagi sheriklari bilan birga, smartfon va bir nechta tugmalarni bosish orqali yuzlab odamlarni nishonga olishdi», deyiladi NCIS hisobotida.

Tergov boshqarmasi ma’lumotlariga ko’ra, AQSh armiyasi, havo kuchlari, dengiz floti va dengiz piyodalari korpusining 442 nafar a’zosi tovlamachilarning qurboni bo’lgan. Shantajchilar jami 560 ming dollar ishlab topishgan.