AQShning 4 ta kompaniyasi tomonidan yetkazib berilgan telefonlarda xavfli zaiflik aniqlandi.

Ushbu zaiflik xakerlarga barcha foydalanuvchi ma’lumotlariga kirish imkonini beradi.

Kryptowire tomonidan o’tkazilgan va AQSh Ichki xavfsizlik departamenti tomonidan moliyalashtirilgan tadqiqotga ko’ra, xakerlarga barcha foydalanuvchi ma’lumotlariga kirish imkonini beruvchi jiddiy zaiflik AQShning to’rtta operatori tomonidan sotiladigan mobil telefonlarda aniqlandi. Hisobotga ko’ra, zaiflik xakerlarga elektron pochta va xabarlarni o’z ichiga olgan barcha foydalanuvchi ma’lumotlariga kirish imkonini berishi mumkin. Bundan tashqari, xakerlar qurilmani osongina nazorat qilishlari mumkin.

Zaif telefonlar Verizon, AT&T, T-Mobile va Sprint tomonidan yetkazib beriladi. Mutaxassislarning fikriga ko’ra, zaiflik millionlab qurilmalarda, jumladan, hukumat amaldorlariga tegishli qurilmalarda mavjud.

Hozirda xakerlar ushbu zaiflikdan foydalanganliklari haqida hech qanday dalil yo’q. Tadqiqotchilar allaqachon telefon ishlab chiqaruvchilarini bu kashfiyot haqida xabardor qilishgan.