Avstraliyada kompaniyalar rasmiylarga shifrlangan ma’lumotlarga kirish huquqini berishlari shart bo’ladi.

Tegishli qonun loyihasi Avstraliya parlamenti tomonidan shu yilning 6 dekabrida qabul qilingan.

6-dekabr, payshanba kuni Avstraliya parlamenti texnologiya kompaniyalaridan huquqni muhofaza qilish organlariga shifrlangan foydalanuvchi ma’lumotlariga kirish huquqini berishni talab qiluvchi qonun loyihasini qabul qildi. Reuters agentligining xabar berishicha, bu G’arb hukumati tomonidan shu kungacha qo’yilgan eng muhim qadamdir. Google, Facebook va Apple kabi texnologiya kompaniyalari boshqa davlatlar Avstraliyaning o’rnagiga ergashishidan qo’rqib, qonun loyihasiga qarshi chiqmoqda. Shunga qaramay, qonun shu yil oxiriga qadar kuchga kiradi.

Huquqni muhofaza qilish organlari va razvedka idoralari yillar davomida texnologiya kompaniyalariga shifrlangan foydalanuvchi ma’lumotlariga kirish huquqini berish uchun qonunchilikni joriy etishga harakat qilib kelmoqdalar. Bu, ayniqsa, Avstraliya a’zo bo’lgan «Five Eyes» alyansidagi mamlakatlar uchun to’g’ri keladi. Qonun loyihasi kuchga kirgach, Avstraliya texnologiya gigantlaridan rasmiylarga shifrlangan ma’lumotlarga kirish huquqini berishni talab qiladigan birinchi davlatlardan biriga aylanadi.

Hukumat qonun milliy xavfsizlikni ta’minlash va uyushgan jinoyatchilikka qarshi kurashish uchun zarur deb hisoblaydi. Qanday bo’lmasin, shaxsiy ma’lumotlarga kirish uchun avvalo order olish kerak bo’ladi.

Qonun loyihasiga ko’ra, kompaniyalar so’ralgan ma’lumotlarga kirishni ta’minlamaganliklari uchun 7,3 million dollargacha jarima va qamoq jazosiga duch kelishlari mumkin.