Banklardan telefon orqali amalga oshiriladigan operatsiyalar uchun mijozning roziligini olish talab qilinishi mumkin.

Rossiya Markaziy banki hisob raqamini aniqlash imkonini beruvchi identifikatordan foydalanilgan holda mablag‘larni hisobga o‘tkazishda mijozning roziligini olishni talab qilishni taklif qildi.

Rossiya Markaziy banki «Pul o‘tkazmalarini amalga oshirish qoidalari to‘g‘risida»gi nizomga o‘zgartirishlar kiritishni taklif etdi. Normativ-huquqiy hujjatlar loyihalari bo‘yicha federal portalda e’lon qilingan hujjatlarga ko‘ra, ushbu taklif mobil telefon orqali operatsiyalar amalga oshirilganda banklardan mijoz roziligini olishni talab qiladi. Hujjatda belgilanishicha, agar o‘tkazma «bank hisob raqamini aniq belgilash imkonini beruvchi identifikator» yordamida amalga oshirilsa, banklar mablag‘ni hisobga o‘tkazish uchun mijozning roziligini olishlari shart.

Ushbu o‘zgartirishlar identifikator sifatida faqat telefon raqami qo‘llaniladigan hollarda, mijozning roziligisiz internet yoki mobil ilovalar orqali uning hisob raqamiga mablag‘ o‘tkazilishining oldini olishni ko‘zlaydi. Mutaxassislarning fikricha, mijozning roziligini olishning eng oddiy usuli — SMS xabar yuborishdir. Banklarning xarajatlari o‘tkazmalar uchun rozilik olish jarayoni qanday tashkil etilishiga bog‘liq bo‘ladi, biroq bu jarayon, katta ehtimol bilan, mobil banking ilovalariga o‘zgartirishlar kiritishni talab qiladi.

O‘zgartirishlar loyihasi hozirda korrupsiyaga qarshi mustaqil ekspertizadan o‘tkazilmoqda.