Belgiya harbiy xizmatchilariga smartfonlardan foydalanish taqiqlanadi.
Boltiqbo’yi davlatlaridagi Belgiya harbiy xizmatchilariga Rossiya josusligining oldini olish uchun geolokatsiya funksiyasiga ega qurilmalardan foydalanish taqiqlanadi.
Belgiya Mudofaa vazirligi faol harbiy xizmatchilarni xorijiy hukumatlar, xususan, Rossiya tomonidan kiberjosuslik va kuzatuvdan himoya qilish uchun smartfonlardan foydalanishga cheklovlarni kuchaytirmoqchi. Bu haqda Belgiya matbuoti shanba, 29-dekabr kuni xabar berdi. Cheklovlar Boltiqbo’yi mintaqasida, jumladan, Rossiya bilan chegarada xizmat qilayotgan harbiy xizmatchilarga nisbatan qo’llaniladi. Ularga «muayyan mintaqalarda va muayyan holatlarda» smartfonlardan foydalanish taqiqlanadi.
«Biz bir necha yillardan beri profilaktika va xabardorlikka sarmoya kiritib kelmoqdamiz, ammo bu yetarli emas. Biz Rossiya mobil qurilmalardan olingan bu kabi geolokatsiya ma’lumotlariga qiziqish bildirayotganini bilamiz», dedi Belgiya Qurolli Kuchlari operatsiyalar bo’limi boshlig’i Karl Gillis VRT telekanaliga.
Smartfonlardagi geolokatsiya funksiyasi GPS ma’lumotlaridan foydalanib, ularning joylashuvini aniqlaydi. Ko’pgina mamlakatlar josuslikning oldini olish uchun o’z harbiylariga chet elda xizmat qilish paytida geolokatsiya funksiyalariga ega mobil qurilmalar va ilovalardan foydalanishni taqiqlab qo’ygan.
2019-yil yanvar oyi boshida Belgiya NATO operatsiyasi doirasida Estoniyaga 250 nafar askarini joylashtiradi. Masalan, mashhur Strava kabi fitnes ilovalaridan foydalanadigan askarlar butun operatsiyani xavf ostiga qo’yishi mumkin.
