British Airways mijozlari ma’lumotlarning o’g’irlanishidan jabr ko’rishdi

Noma’lum shaxslar British Airways veb-sayti yoki ilovasi orqali aviachiptalarni bron qilgan foydalanuvchilarning bank ma’lumotlarini o’g’irlashdi.

British Airways oʻz veb-sayti va ilovasining ikki haftalik maʼlumotlarining oʻgʻirlanishini tekshirmoqda. Kompaniyaning bildirishnomasiga koʻra, oʻgʻirlik taxminan 38 000 ta toʻlov kartasi maʼlumotlariga taʼsir koʻrsatgan. British Airways politsiyaga murojaat qilib, taʼsirlangan foydalanuvchilardan banklariga murojaat qilishni soʻradi. Xakerlar 2018-yil 21-avgustdan 5-sentabrgacha ba.com saytida yoki ilova orqali reyslarni bron qilgan foydalanuvchilarning shaxsiy va bank maʼlumotlarini oʻgʻirlashgan. Hech qanday pasport yoki parvoz maʼlumotlari oʻgʻirlanmagan.

The Guardian nashrining xabar berishicha, Buyuk Britaniya Milliy Jinoyatchilik Agentligi voqeadan xabardor va hozirda «eng yaxshi harakat yo’nalishini aniqlash uchun hamkorlar bilan ishlamoqda». Axborot komissari idorasi ham maxfiylik buzilishidan xabardor va British Airways aviakompaniyasiga tegishli surishtiruvlar o’tkazadi.