Bugungi kunga qadar eng samarali CAPTCHA o’tkazish vositasi taqdim etildi.

Yangi algoritm matnli CAPTCHA-ni atigi 0,05 soniyada muvaffaqiyatli o’tkaza oladi.

Xalqaro tadqiqotchilar jamoasi eng keng tarqalgan xavfsizlik tizimlaridan birini buzishga qodir sun’iy intellektni ishlab chiqdi. Chuqur o’rganishga asoslangan ushbu algoritm bugungi kunda mavjud bo’lgan eng samarali CAPTCHA yechimi bo’lib, eng mashhur veb-saytlarni himoya qilish uchun ishlatiladigan matnga asoslangan naqshlarni muvaffaqiyatli hal qiladi. Yangi algoritm avvalgi CAPTCHA yechim tizimlariga qaraganda ancha aniqroq bo’lib, avvalgilari muvaffaqiyatsizlikka uchragan joylarda muvaffaqiyat qozondi. Bundan tashqari, u nihoyatda tez – kompyuterda CAPTCHAni yechish uchun atigi 0,05 soniya vaqt ketadi.

Algoritm «generativ raqib tarmoq» deb nomlanuvchi texnikadan foydalanadi. Ushbu texnika haqiqiy CAPTCHAlardan farq qilmaydigan ko’p sonli o’quv CAPTCHAlarini yaratish uchun CAPTCHA generatorini oldindan o’qitishni o’z ichiga oladi. Ushbu o’quv sxemalaridan foydalanib, tadqiqotchilar AIni o’qitadilar, keyin o’zgarishlar kiritadilar va uni haqiqiy CAPTCHAlarga qarshi sinovdan o’tkazadilar.

Lankaster universiteti (Buyuk Britaniya) professori va tadqiqotning hammuallifi Chjen Vangning so’zlariga ko’ra, bu CAPTCHA yechish vositasini yaratishda generativ raqiblik tarmog’idan foydalanilgan birinchi holat.Lankaster universiteti (Buyuk Britaniya) professori va tadqiqotning hammuallifi Chjen Vangning so’zlariga ko’ra, bu CAPTCHA yechish vositasini yaratishda generativ raqiblik tarmog’idan foydalanilgan birinchi holat.

«Bizning ishimiz zamonaviy matnga asoslangan CAPTCHA sxemalaridagi xavfsizlik funksiyalari chuqur o‘rganish hujumlariga nisbatan zaif ekanligini ko‘rsatadi. Biz birinchi marta tajovuzkor yangi matnli CAPTCHA sxemasiga minimal kuch sarflab tezda hujum qilishi mumkinligini ko‘rsatdik. Bu qo‘rqinchli, chunki ko‘plab saytlarda birlamchi xavfsizlik tizimi foydasiz ekani ma’lum bo‘ldi”, dedi Chjen Vang.