CCleaner endi doimiy ma’lumotlarni to’plash funksiyasiga ega.

CCleaner menyusidan faol monitoring funksiyasini o’chirib qo’ygandan keyin ham, kompyuterni qayta ishga tushirgandan so’ng u avtomatik ravishda yoqiladi.

Avast ushbu funksiyani o’chirib qo’yish imkoniyatisiz tizim ma’lumotlarini to’playdigan CCleaner 5.45 yordamchi dasturining yangi versiyasini chiqazdi. CCleaner – bu foydalanuvchilarga Windows, Mac va mobil qurilmalarni keraksiz fayllardan tozalash, ish faoliyatini optimallashtirish va yaxshilash imkonini beruvchi 2 milliarddan ortiq yuklab olishlarga ega mashhur ilova.

Bir necha oy oldin Avast dasturga «monitoring va ma’lumotlarni to’plash» funksiyasini qo’shdi. Ushbu funksiya Avast serverlariga tizimdan foydalanish ma’lumotlari kabi turli foydalanuvchi ma’lumotlarini yuboradi va kompyuterni keraksiz fayllar uchun doimiy ravishda tekshiradi. Biroq, CCleaner menyusidan faol monitoring funksiyasini o’chirib qo’ygandan keyin ham, kompyuterni qayta ishga tushirgandan yoki dasturni yopgandan so’ng u avtomatik ravishda qayta yoqiladi.

Bundan tashqari, CCleaner endi har 12 soatda dasturdan foydalanish statistikasi haqida hisobot yuboradi, bu esa Avastga zaifliklarni tuzatish va mahsulotni tezroq yaxshilash imkonini beradi.

CCleaner ma’lumotlarni butunlay anonim ravishda to’plasa-da, turli onlayn forumlardagi foydalanuvchilar Avastning ma’lumotlar almashish amaliyoti haqida xavotirlarini bildirishdi va kompaniya «vositani sotib olgandan keyin uni yo’q qilganini» da’vo qilishdi.

Bundan tashqari, CCleaner maxfiylik siyosatida to’plangan ma’lumotlarni uchinchi shaxslar bilan baham ko’rishi mumkinligi ham aytilgan.

Foydalanuvchilarning shikoyatlariga javoban, Avast faol monitoringni va dasturdan foydalanish haqida anonim ma’lumotlarni yuborishni o’chirib qo’yish uchun alohida menyu parametrlarini qo’shishga va’da berdi.