Coinrail kripto-birjasi kiberhujum oqibatida 40 million dollarlik tokenlarini yo‘qotdi.

Hakerlar turli raqamli valyutalardagi mablag‘larni o‘g‘irladilar.

Janubiy Koreyaning Coinrail kriptovalyuta birjasi hakerlik hujumiga uchradi; hujumchilar kompaniya serverlarida saqlangan va ICO (kriptovalyutani birlamchi joylashtirish) jarayonida yig‘ilgan katta miqdordagi tokenlarni o‘g‘irlab ketishdi. Hakerlar turli raqamli valyutalardagi mablag‘larni qo‘lga kiritdilar. Xususan, hujumchilar qiymati 19,5 million dollarga teng bo‘lgan NPXS tokenlarini (to‘lov yechimlari ishlab chiquvchi Pundi X kompaniyasi tomonidan chiqarilgan), 13,8 million dollarlik Aston X loyihasi tokenlarini (hujjatlarni markazlashtirilmagan boshqarish platformasini ishlab chiqayotgan loyiha), 5,8 million dollarlik Dent tokenlarini (mobil ma’lumotlar uzatish platformasidagi tranzaksiyalar uchun qo‘llaniladigan), 1,1 million dollarlik Tron tokenlarini hamda boshqa turli virtual valyutalardagi kichikroq miqdordagi mablag‘larni o‘g‘irladilar.

Maʼmuriyat hozirda ushbu hodisani o‘rganmoqda va zarar ko‘rgan boshqa kompaniyalar bilan birgalikda o‘g‘irlangan mablag‘larni bloklash choralarini ko‘rmoqda. Coinrail hali zararni qanday qoplash niyatida ekanligini eʼlon qilmadi.

Eslatib o‘tamiz, Tron (TRX) kriptovalyutasi yaratuvchisi Jastin San avvalroq o‘z loyihasi kodidagi zaifliklarni aniqlagan har qanday shaxsga 10 million dollar to‘lashga va’da bergan edi.