Coinsecure kriptovalyuta birjasi mijozlar bitkoinlarida 3 million dollar «yo’qotdi»

Coinsecure kriptovalyuta birjasi mijozlar bitkoinlarida 3 million dollar «yo’qotdi»

Birjaning xavfsizlik direktori mijozlarga o’tkazish uchun mablag’larni yechib oldi, ammo ular jarayon davomida g’oyib bo’ldi.

Hindistonning Coinsecure bitkoin birjasi foydalanuvchilariga tegishli 438 ta bitkoinni «yo’qotdi». Uning bosh kompaniyasi Secure Bitcoin Traders Pvt.ning yaqinda bergan bayonotiga ko’ra, birjaning xavfsizlik direktori mijozlarga o’tkazish uchun ba’zi mablag’larni yechib oldi, ammo «mablag’lar jarayon davomida g’oyib bo’ldi».

Jami 3 547 745 dollarlik bitkoin yo’qoldi. The Register nashrining xabar berishicha, kriptovalyuta shu yilning 9-aprelida Coinsecure serverlaridan olib qo’yilgan. Foydalanuvchilar 9-aprel kuni Coinsecure veb-sayti to’satdan ishlamay qolganda muammoni sezishdi. Keyin birja yangilanishlarni aytib, depozitlarni qabul qilishni to’xtatdi.

The Register manbalariga ko’ra, hamyonlarning shaxsiy kalitlariga faqat ikki kishi kirish huquqiga ega bo’lishi kerak edi: bosh xavfsizlik xodimi Amitabh Saxena va bosh direktor Mohit Kalra. Secure Bitcoin Traders Pvt. rahbariyati voqea yuzasidan mahalliy huquqni muhofaza qilish organlari bilan bog’langan.