Davlat Dumasi deputatlari tarmoq uzilishi holatida RuNetning ishlashini ta’minlash rejasini ishlab chiqdilar.

Hujjatni tayyorlashning sabablaridan biri AQSh milliy kiberxavfsizlik strategiyasining «tajovuzkor tabiati» edi.

14-dekabr, juma kuni Rossiya Davlat Dumasiga global internet infratuzilmasidan uzilgan taqdirda RuNetning avtonom ishlashini ta’minlash to’g’risidagi qonun loyihasi kiritildi. Hujjatni tayyorlashning sabablaridan biri «2018-yil sentyabr oyida qabul qilingan AQSh Milliy kiberxavfsizlik strategiyasining tajovuzkor tabiati» edi. Xususan, uning mualliflari kibermakonda AQSh va Rossiya o’rtasidagi keskin munosabatlarni hisobga olgan holda «tinchlikni kuch bilan saqlash» tamoyilidan xavotirda edilar. Qonun loyihasida «Rossiya telekommunikatsiya operatorlari xorijiy internet-resurslariga ulana olmagan taqdirda Rossiya internet-resurslarining ishlashini» ta’minlash uchun infratuzilma yaratish talab qilinadi. Hujjatda shuningdek, trafikni yo’naltirish qoidalari bayon etilgan va ijro etilishi tartibga solingan.

Ushbu tashabbus Rossiya fuqarolari o’rtasida chet elda almashinadigan ma’lumotlar uzatilishini minimallashtirish yo’lini taklif qiladi. Shuningdek, u transchegaraviy aloqa liniyalari va trafik almashish nuqtalarini aniqlaydi va uzatiladigan trafik manbasini aniqlash uchun aloqa tarmoqlariga texnik vositalarni o’rnatish imkonini beradi.

Hujjatga qo’yilgan tushuntirish xatida aytilganidek, texnik vositalar taqiqlangan kontentga ega resurslarga kirishni nafaqat tarmoq manzillari orqali, balki o’tuvchi trafikni blokirovka qilish orqali ham cheklashi kerak.