Dronlar haqidagi xabarlar tufayli Xitrou aeroportiga parvozlar kechiktirildi
Skotland-Yard Londonning eng gavjum aeroporti yaqinida dron uchirilgani haqida xabar oldi.
Seshanba, 8-yanvar kuni kechqurun Londonning eng gavjum aeroporti Xitrou dronlar faoliyati haqidagi xabarlar tufayli ehtiyot chorasi sifatida reyslarni vaqtincha kechiktirdi. CNBC xabariga ko’ra, mahalliy vaqt bilan soat 17:00 atrofida Skotland-Yardga «Xitrou aeroporti yaqinida» uchuvchisiz uchish apparati haqida xabar kelib tushdi. Kelgan reyslar xavfsiz qo’ngandan so’ng, o’sha kuni kechqurun reyslar qayta tiklandi.
Aeroport vakilining so’zlariga ko’ra, aeroport ma’muriyati London politsiyasi bilan Xitrou aeroportida dron uchirilgani haqidagi xabarlarni tekshirishda hamkorlik qilishda davom etmoqda. Qisqa vaqt o’tgach, aeroport ma’muriyati belgilangan tartiblarga muvofiq parvozlarni qayta tikladi. «Biz tergovimizni davom ettirmoqdamiz va parvozlari vaqtincha kechiktirilgan yo’lovchilardan uzr so’raymiz», dedi matbuot kotibi.
Hitrou ham, politsiya ham dron haqiqiymi yoki xabarlar yolg’onmi, tasdiqlamadi.
Eslatib o’tamiz, o’tgan yilning 20-dekabr kuni Londonning ikkinchi eng gavjum aeroporti Gatvik dron tufayli reyslarni kechiktirishga majbur bo’ldi. Dron uchish-qo’nish yo’lagi ustida aylanib yurgan edi va uni olib tashlash juda qiyin bo’lib chiqdi.
