Estoniya rezidenti 2,5 million yevro qiymatidagi kriptovalyutani o‘g‘irlagani uchun hibsga olindi.

Jinoyatchi o‘g‘irlangan mablag‘larning katta qismini kazinoda boy bergan.

Geenius nashrining xabar berishicha, Estoniya huquq-tartibot organlari xodimlari qiymati 2,5 million yevroga teng kriptovalyutani o‘g‘irlagan shaxsni qo‘lga oldi. Ish materiallariga ko‘ra, 29 yoshli firibgar bir necha yil davomida jabrlanuvchilarning (ularning aksariyati Yevropada istiqomat qilgan) kriptovalyuta hamyonlariga kirish imkoniga ega bo‘lish maqsadida elektron pochta akkauntlarini buzib kirish bilan shug‘ullangan.

Huquq-tartibot organlari vakillarining ma’lum qilishicha, gumonlanuvchi qo‘lga olingan vaqtda bir necha terabayt hajmdagi ma’lumotlar qo‘lga kiritilgan bo‘lib, ular hozirda ekspertiza va tahlildan o‘tkazilmoqda.
Politsiya vakillari jinoyatchi o‘g‘irlangan pulning asosiy qismini kazinoda boy berganini qayd etdi. Ishga oid tafsilotlar hozircha oshkor qilinmagan.