Eurostar kiberhujumdan keyin foydalanuvchi parollarini qayta tiklaydi

Kompaniya vakillari xakerlik hujumi muvaffaqiyatli bo’lganmi yoki yo’qmi, aniqlik kiritishdan bosh tortdilar.

Yevropaning yuqori tezlikdagi temir yo’l operatori Eurostar o’z mijozlarining akkauntlarini buzib kirishga urinishlarni aniqlagandan so’ng, ularning parollarini qayta tikladi. Tashuvchi jabrlanganlarni voqea haqida xabardor qildi va boshqa mijozlarni ularning akkauntlari bloklanishi va parollarini qayta tiklashlari kerakligi haqida ogohlantirdi. Hujum shu yilning 15-19 oktyabr kunlari orasida sodir bo’lgan va «oz sonli IP-manzillar»ni o’z ichiga olgan. Kompaniya vakillari buzib kirish muvaffaqiyatli bo’lganmi yoki yo’qligini tasdiqlashdan bosh tortdilar, ammo mijozlarning moliyaviy ma’lumotlari buzilmaganligini ta’kidladilar.

«Bizningcha, bu hisoblarga ruxsatsiz, avtomatlashtirilgan kirishga urinish bo’lgan. Biz kirishni blokladik va mijozlardan ehtiyot chorasi sifatida parollarini qayta tiklashni so’radik. Biz ataylab hech qachon bank kartasi ma’lumotlarini saqlamaymiz, shuning uchun kredit karta ma’lumotlari va to’lov ma’lumotlarining buzilishi mumkin emas», dedi operator BBCga.

Eurostar hodisasi yirik aviakompaniyalarga qilingan kiberhujumlar seriyasini davom ettirmoqda. So’nggi uch oy ichida Cathay Pacific, Air Canada va British Airways kabi bir nechta aviakompaniyalar xakerlik hujumlari va ma’lumotlarning o’g’irlanishi haqida xabar berishdi. Hozirda bu hodisalar bilan bog’liqmi yoki yo’qmi noma’lum.