Facebook foydalanuvchilarning telefon raqamlarini reklama beruvchilar bilan baham ko’rgani aniqlandi

Ijtimoiy tarmoq foydalanuvchi bu ma’lumotni yashirgan bo’lsa ham, uni uzatdi.

Prinston va Shimoliy-sharqiy universitetlardan (AQSh) bir guruh tadqiqotchilar Facebook ijtimoiy tarmoq foydalanuvchilarining telefon raqamlarini reklama beruvchilar bilan baham ko’rayotganini aniqlovchi tadqiqotni e’lon qilishdi, garchi bu ma’lumot yashirin bo’lsa ham. Tadqiqotchilar bir necha yuzlab mobil telefon raqamlarini yuklab olishga muvaffaq bo’lishdi. Keyinchalik ma’lum bo’lishicha, ijtimoiy tarmoq ushbu ma’lumotdan maqsadli reklamalarni namoyish qilish uchun foydalanishi aniqlandi.

Tadqiqotchi Alan Mislovening so’zlariga ko’ra, profilida hech qachon telefon raqamini ko’rsatmaganiga qaramay, ijtimoiy tarmoq hali ham tegishli reklamalarni namoyish etgan. Mutaxassislar Facebook foydalanuvchilar tomonidan ikki faktorli autentifikatsiya uchun taqdim etilgan raqamlardan reklamalarni nishonga olish uchun foydalanayotganini aniqladilar.

Tadqiqot nashr etilganiga javoban, Facebook vakillari ijtimoiy tarmoq «taqdim etilgan barcha ma’lumotlardan foydalanishini» va foydalanuvchilar uni istalgan vaqtda o’chirib tashlashi mumkinligini ta’kidladilar.