Facebook, Twitter, Google va Microsoft kompaniyalari ma’lumotlarni migratsiya qilish bo’yicha qo’shma loyihani ishga tushirishdi.

Ma’lumotlarni uzatish loyihasini yaratishning sabablaridan biri Umumiy ma’lumotlarni himoya qilish to’g’risidagi Nizomga rioya qilish zaruratidir.

Facebook, Twitter, Google va Microsoft kompaniyalari «Ma’lumotlarni uzatish loyihasi» deb nomlangan qo’shma loyihani ishga tushirishlarini e’lon qilishdi. Loyihaning asosiy maqsadi ma’lumotlarni bir xizmatdan boshqasiga o’tkazishni ta’minlashdir. 2017-yilda tashkil etilgan Ma’lumotlarni uzatish loyihasi (DTP) turli platformalar o’rtasida uzluksiz, to’g’ridan-to’g’ri, foydalanuvchi tomonidan tashabbuskor ma’lumotlarni uzatishni ta’minlaydigan umumiy ochiq kodli tizimni yaratish ustida ishlayotgan tashkilotlar koalitsiyasidir.

Ma’lumotlarni uzatish provayderdan ma’lumotlaringizni bir xizmatdan o’chirib, boshqasiga o’tkazishni so’rash imkoniyatini anglatadi. Bunga, xususan, fotosuratlar, elektron pochta xabarlari, kontaktlar, taqvimlar va vazifalar kiradi.

Ma’lumotlarni uzatish loyihasini yaratishning sabablaridan biri bu joriy yilning 25-may kuni Yevropa Ittifoqida kuchga kirgan Umumiy ma’lumotlarni himoya qilish to’g’risidagi Nizomga (GDPR) rioya qilish zaruratidir.

Loyiha hozirda ishlab chiqilmoqda. Ma’lumotlarni uzatish uchun foydalanuvchi o’zining API (dasturiy ta’minot interfeysi) kalitini bilishi kerak.