Facebook xatolik bilan dasturchilarning tahliliy hisobotlarini sinovchilarga yubordi

Facebook Analytics’dan foydalanuvchi ilovalarning 3 foizida ma’lumotlarning oqishi kuzatildi.

Facebook ilova ishlab chiqaruvchisi haftalik Facebook Analytics hisoboti kompaniyadan tashqaridagi birovga yuborilganini xabar qildi. TechChurch’ga ko‘ra, hisobotda o‘rtacha haftalik foydalanuvchilar, sahifa ko‘rishlari va yangi foydalanuvchilar kabi muhim biznes ma’lumotlari mavjud. Facebook vakillarining so‘zlariga ko‘ra, Facebook Analytics’dan foydalanuvchi ilovalarning 3 foizidan olingan hisobotlar haqiqatan ham xatolik bilan ilova sinovchilariga yuborilgan.

Facebook muammo hal qilinganini va hech qanday shaxsiy yoki aloqa ma’lumotlari oshkor qilinmaganini xabar qildi. Kompaniya barcha ta’sirlangan ishlab chiquvchilarga imkon qadar tezroq xabar berishni rejalashtirmoqda.

«Elektron pochta yetkazib berish tizimimizdagi xatolik tufayli, biz dasturchilarga yuboradigan haftalik biznes samaradorligi to’g’risidagi hisobotlar dasturchilarning ilova sinovchilarining kichik guruhiga ham yuborildi. Muayyan shaxslar haqida hech qanday shaxsiy ma’lumotlar oshkor qilinmadi. Biz xatolik uchun afsusdamiz va bunday xatoning takrorlanishining oldini olish uchun tizimimizni allaqachon yangiladik», deyiladi Facebook bayonotida.