Facebook’dagi nosozlik 14 million foydalanuvchining shaxsiy postlari oshkor bo‘lishiga olib keldi.

Ijtimoiy tarmoqdagi nosozlik foydalanuvchilarning shaxsiy postlarini keng jamoatchilikka oshkor qilib yubordi.

So‘nggi bir necha oy davomida Facebook ma’lumotlarning sizib chiqishi yoki uchinchi tomon firmalariga uzatilishi bilan bog‘liq bir qator mojarolar markazida bo‘lib kelmoqda, shunga qaramay, kompaniya o‘z foydalanuvchilarini «xushnud etishda» davom etmoqda. Bu safar platformadagi nosozlik 14 million foydalanuvchining shaxsiy postlarini ochiq ko‘rinishga keltirib qo‘ydi. Xatolik tufayli akkaunt sozlamalari egalarining xabarisiz o‘zgartirib yuborildi, natijada kichik bir guruh uchun mo‘ljallangan yangi xabar va postlar keng jamoatchilikka ochiq bo‘lib qoldi.

Joriy yilning 18-mayidan 22-mayiga qadar texnik nosozlik kuzatildi. Facebook muhandislari xatolikni 22-may kuni aniqlashdi, biroq avvalroq eʼlon qilingan postlar sozlamalari besh kundan keyingina o‘zgartirildi. Kompaniya ushbu nosozlik yangi funksiyani sinovdan o‘tkazish jarayonida yuzaga kelganini maʼlum qildi. Xatolik faqat 18-maydan 27-maygacha bo‘lgan davrda joylashtirilgan yangi postlarga taʼsir ko‘rsatdi. Facebook allaqachon taʼsirga uchragan foydalanuvchilarni xabardor qilishni boshladi.