FastBooking serveriga qilingan hujumdan so’ng yuzlab mehmonxonalar ma’lumotlarning o’g’irlanishidan zarar ko’rdi.

Ba’zi hollarda, kiberjinoyatchilar to’lov kartasi ma’lumotlarini, masalan, kartada bosilgan ism, uning raqami va amal qilish muddati kabi ma’lumotlarni ham qo’lga kiritishgan.

Bleeping Computer xabar berishicha, noma’lum tajovuzkor FastBooking mehmonxona bron qilish dasturiy ta’minot kompaniyasiga kiberhujum paytida yuzlab mehmonxona mehmonlarining shaxsiy ma’lumotlari va to’lov kartalari ma’lumotlarini o’g’irlagan. FastBooking – bu 100 mamlakatdagi 4000 dan ortiq mehmonxonalarga mehmonxona bron qilish dasturini sotadigan fransuz kompaniyasi. FastBooking vakillarining so’zlariga ko’ra, voqea 2018-yil 14-iyunda sodir bo’lgan. Tajovuzkor server ilovasidagi zaiflikdan foydalanib, o’zining zararli dasturini joylashtirgan. Bu xakerga serverga masofadan kirish imkonini berdi va keyinchalik undan ma’lumotlarni o’g’irladi.

Hujumchi ism va familiya, jismoniy manzillar, elektron pochta manzillari va bron qilish ma’lumotlari (mehmonxona nomi, ro’yxatdan o’tish va chiqish) kabi maxfiy ma’lumotlarni, shuningdek, ba’zi hollarda karta egasining ismi, karta raqami va amal qilish muddati kabi to’lov kartasi ma’lumotlarini qo’lga kiritdi.

FastBooking har bir mehmonxonaga zararlangan mijozlar soni va o’g’irlangan ma’lumotlar turi haqida batafsil ma’lumot bilan elektron pochta xabarlarini yubordi. Kompaniyaning press-reliziga ko’ra, hodisa faqat Yaponiyadagi 380 ta mehmonxonaga ta’sir ko’rsatgan. Dunyo bo’ylab zararlangan mehmonxonalar soni 1000 tadan oshishi mumkin.