Federal jazoni ijro etish xizmatining omborlaridan birida Amerika «josuslik» uskunalari topildi.

Barcha uskunalar va ularga tegishli dasturiy ta’minot AQSh mudofaa sektoriga xizmat ko‘rsatuvchi kompaniya tomonidan ishlab chiqarilgan.

«Moskovsky Komsomolets» nashrining o‘z manbalariga tayanib xabar berishicha, Ichki xavfsizlik boshqarmasi xodimlari FSIN (Rossiya Federal jazoni ijro etish xizmati)ning Axborot texnologiyalari, aloqa va aloqa xavfsizligi bo‘yicha bosh markazi (GCITOiS)ga qarashli omborlarni ko‘zdan kechirish chog‘ida — bu yerda yaqinda davlat xaridlari orqali olingan mahsulotlar saqlanadi — ob’ektlardan birida kommutatorlar, marshrutizatorlar va boshqa shubhali uskunalarni aniqladilar.

Barcha uskunalar va ularga tegishli dasturiy ta’minot AQSh mudofaa sektoriga xizmat ko‘rsatuvchi kompaniya tomonidan ishlab chiqarilgan. Mazkur kompaniyaning nomi oshkor etilmagan.

«Aslini olganda, huquqni muhofaza qilish organlari mutaxassislari ushbu uskunani josuslik vositasi, degan xulosaga kelishdi. Masalan, oddiy mobil telefondan shifrlangan xabar orqali buyruq olganda, u o‘z faoliyatini to‘xtatish bilan birga, muayyan hududda yoki butun mamlakat miqyosida xavfsizlik tizimini ishdan chiqarishga qodir», — deya qayd etdi nashr manbasi.

Ichki xavfsizlik boshqarmasi uskuna uchun yetkazib beruvchiga o‘tkazilgan mablag‘ni (152 million rubl) blokladi va keyinchalik bu pul Federal jazoni ijro etish xizmati (FSIN) hisob raqamlariga qaytarildi. May oyi oxirida idora mazkur pudratchi bilan tuzilgan barcha shartnomalarni bekor qildi. Hozirda turli hududlardan jalb qilingan muhandislardan iborat komissiya ushbu hodisani o‘rganmoqda.