Firibgarlar BMW yutib olish haqida da’vo qilib, spam xabarlar yuborishmoqda.
«G’olib» o’zining shaxsiy ma’lumotlarini taqdim etishi shart.
Qishki ta’til mavsumi firibgarlar, ayniqsa spam tarqatuvchilar uchun oltin davrdir. Bayram kayfiyati va turli ishlab chiqaruvchilarning aksiyalarining ko’pligidan foydalanib, firibgarlar soxta avtomobil yutug’i haqida bildirishnomalar yuborish kampaniyasini boshladilar. Bleeping Computer ma’lumotlariga ko’ra, jabrlanuvchilar BMW yutuq o’tkazayotgani va foydalanuvchi BMW 2 Series M240i yutib olgani haqida elektron pochta xabarini olishadi. Elektron pochtada shuningdek, foydalanuvchi o’z yutug’ini olish uchun taqdim etishi kerak bo’lgan kod ham mavjud. «G’olib» shuningdek, to’liq ismini, uy manzilini va telefon raqamini ham taqdim etishi shart.
Jabrlanuvchi firibgarlarga so’ralgan ma’lumotlarni taqdim etgandan so’ng, ular, ehtimol, bank kartasi yoki ijtimoiy ta’minot raqami kabi boshqa maxfiy ma’lumotlarni so’rashadi. Ushbu ma’lumotlarga ega bo’lgach, firibgarlar uchun jabrlanuvchining to’lov xizmati hisoblarini nazorat qilish va ulardan pul o’g’irlash oson bo’ladi.
