FQB 2017-yilda onlayn kiberjinoyatlar bo‘yicha hisobot e’lon qildi.

2017-yilda korporativ elektron pochta hisoblariga noqonuniy kirish, tovlamachi dasturlar (ransomware) tarqatish va shunga o‘xshash faoliyat turlari keng tarqaldi.

Federal qidiruv byurosi (FQB) 2017-yildagi kiberjinoyatchilik sohasidagi asosiy tendensiyalarni tahlil qiluvchi hisobotni e’lon qildi. Hisobotda korporativ elektron pochta hisoblariga noqonuniy kirish, tovlamachi dasturlarni tarqatish hamda kiberjinoyatchilarning texnik qo‘llab-quvvatlash xodimlari sifatida o‘zini ko‘rsatishi kabi turli firibgarlik usullari ko‘paygani qayd etilgan. Umuman olganda, 2017-yilda Internetdagi jinoyatlar bo‘yicha shikoyatlarni qabul qilish markaziga (IC3) kiberjinoyatlar yuzasidan 301 580 ta shikoyat kelib tushgan.

O‘tgan yili eng ko‘p uchragan jinoyat turlari shaxsiy ma’lumotlarni o‘g‘irlash va fishing bo‘ldi. Eng katta moliyaviy yo‘qotishlar elektron pochta akkauntlarining buzib kirilishi, shuningdek, buyurtma qilingan tovarlar uchun na to‘lov amalga oshirilgan, na ular yetkazib berilgan holatlar oqibatida yuzaga keldi.

Hisobotga ko‘ra, AQShdan tashqarida kiberjinoyatlar bo‘yicha eng ko‘p xabarlar Kanada, Hindiston, Buyuk Britaniya, Avstraliya, Meksika, Rossiya va Braziliyadan kelib tushgan.