Google Chrome brauzeri foydalanuvchilarning kompyuterlaridagi fayllarni skanerlaydi

БРАУЗЕР GOOGLE CHROME СКАНИРУЕТ ФАЙЛЫ НА КОМПЬЮТЕРАХ ПОЛЬЗОВАТЕЛЕЙ

Chrome brauzeringizni ESET antivirus dvigateli yordamida brauzerning o’ziga qaratilgan zararli dasturlarni tekshirish uchun kompyuteringizni skanerlaydi.

Bir nechta kiberxavfsizlik bo’yicha mutaxassislar Windows kompyuterlaridagi deyarli barcha fayllarni skanerlaydigan Chrome vositasi haqida xavotir bildirishdi. Ushbu vosita 2017-yilda brauzerda joriy etilgan Chrome Cleanup Tool hisoblanadi.

O’tgan yili Google o’zining Chrome brauzeri uchun bir qator yangilanishlarni chiqardi. Kompaniya Windows kompyuterlarida veb-brauzerni «asosiy antivirus xususiyatlarini» qo’shish orqali yanada «tozaroq» va «xavfsizroq» qilishga va’da berdi. Xususan, Google ESET dasturidan foydalanadigan Chrome Cleanup Tool deb nomlangan vositani qo’shdi.

Xavfsizlik bo’yicha tadqiqotchi Kelli Shortrij Chrome o’zining Windows kompyuteridagi Hujjatlar jildidagi fayllarni ko’rib chiqayotganini payqadi. Mutaxassisning xab ari ko’pchilikning e’tiborini tortdi va kiberekspertlar va oddiy foydalanuvchilar hamjamiyatida chalkashliklarga sabab bo’ldi.

Amalda, Chome ESET antivirus dvigatelidan foydalanib, brauzerning o’ziga hujum qilish uchun mo’ljallangan zararli dasturlarni kompyuteringizdan tekshiradi. Agar biron bir shubhali zararli dastur aniqlansa, u zararli dastur va ma’lum tizim ma’lumotlarini o’z ichiga olgan fayl haqidagi metama’lumotlarni Google’ga yuboradi. Keyin brauzer shubhali faylni o’chirish uchun ruxsat so’raydi (siz «Google’ga ma’lumot yuborish» opsiyasini olib tashlash orqali Google’ga ma’lumot yuborishdan voz kechishingiz mumkin).

Google vakillarining so’zlariga ko’ra, Chrome Cleanup Toolning maqsadi zararli dasturlarning foydalanuvchilarning kompyuterlariga Chrome orqali, masalan, xavfli kengaytmani o’rnatish orqali kirmasligini ta’minlashdir.

Google’ning xavfsizlik bo‘yicha rahbari Justin Shuhning so‘zlariga ko‘ra, ushbu vositaning yagona maqsadi keraksiz dasturlarni aniqlash va olib tashlashdir. Ushbu vosita haftada bir marta yoqiladi va standart foydalanuvchi huquqlariga ega. U boshqa dasturlardan ajratilgan va foydalanuvchilar keraksiz fayllarni olib tashlashni tasdiqlashlari kerak.