Google .dev domen zonasi uchun ro’yxatdan o’tishni ochadi.

2015-yilda kompaniya .dev yuqori darajadagi domeniga bo’lgan huquqlarni qo’lga kiritdi va bu dasturchilar orasida norozilikka sabab bo’ldi.

.dev domeniga ro’yxatdan o’tish kelasi yil boshida ochiladi. Google vakillari bu haqda 12-13-noyabr kunlari San-Fransiskoda bo’lib o’tgan Chrome Dev Summit 2018 da e’lon qilishdi. 2015-yilda Google .dev yuqori darajadagi domeniga egalik huquqini qo’lga kiritdi va bu o’z mahsulotlarini ichki sinovdan o’tkazadigan saytlar uchun undan foydalangan dasturchilar orasida norozilikka sabab bo’ldi. Biroq, kompaniya endi yaqin vaqtgacha faqat unga tegishli bo’lgan domenni jamoatchilik bilan baham ko’rishga tayyor ko’rinadi.

2019-yil 16-yanvarda savdo belgisi egalaridan domen nomini ro’yxatdan o’tkazish uchun arizalar qabul qilina boshlaydi va 19-fevralgacha davom etadi. Albatta, ro’yxatdan o’tkazilayotgan domen nomi firibgarlikning oldini olish uchun savdo belgisiga mos kelishi kerak.

«Erta kirish» bosqichi 19-fevraldan 28-fevralgacha davom etadi va domenni yuqori narxda ro’yxatdan o’tkazishga imkon beradi. Google bu davrda ro’yxatdan o’tish narxini aniqlamadi. Kompaniyaning ta’kidlashicha, narx 28-fevralda kirish ochilgunga qadar asta-sekin oshib boradi.

Bu yil boshida ishga tushirilgan .app yuqori darajadagi domeni singari, .dev ham o’rnatilgan HTTPS qo’llab-quvvatlashiga ega bo’ladi.