Google o’zining Chrome brauzerida macOS ning eski versiyalarini qo’llab-quvvatlashni to’xtatdi.

Eski Mac kompyuterlariga tayanadigan foydalanuvchilar endi brauzerdan foydalana olmaydilar.

Google Chrome avtomatik ravishda macOS 10.10 (Yosemite) yoki undan keyingi versiyani talab qiladigan brauzer versiyasiga yangilandi. The Register nashrining xabar berishicha, bu ilova endi 10.9 Mavericks va undan keyingi operatsion tizim versiyalarida ishlamasligini anglatadi. Bu harakat ajablanarli emas. Google ilgari Mac egalarini bir necha oy davomida Mavericksni qo’llab-quvvatlashni to’xtatish haqida ogohlantirgan edi. Hozirda macOS 10.10 Chrome tizim talablari sahifasida eng eski versiya sifatida ko’rsatilgan.

Mavericks 2013-yil oktyabr oyida chiqarilgan va Apple deyarli ikki yildan beri uning uchun biron bir katta yangilanishlarni chiqarmagan. Operatsion tizimning hozirgi versiyalari macOS 10.13 High Sierra va macOS 10.14 Mojave ning beta versiyasidir.

Bu shuni anglatadiki, eski Mac-larga ishonadigan foydalanuvchilar endi brauzerdan foydalana olmaydilar.

«Avtomatik Chrome yangilanishlari OSX versiyalarida 10.10 dan oldingi brauzerni o’chirib qo’yadi. Foydalanuvchilar hatto xato haqida hisobot ham yubora olmaydilar, chunki uni ochib bo’lmaydi», deb ta’kidladi mutaxassislar.

Hozirda Mavericks foydalanuvchilari Apple’ning Safari brauzeri yoki hali ham macOS 10.9 ni qo‘llab-quvvatlaydigan Mozilla Firefox’dan muqobil ravishda foydalanishlari mumkin. Opera, Chrome singari, Yosemite yoki undan keyingi versiyalarini talab qiladi.