Google Play Store, Gmail va YouTube’ni Yevropada pullik qiladi.

Kompaniya Yevropa Komissiyasining talablari tufayli bu qadamni qo’yishga majbur.

Google Yevropa bozoridagi Android ilovalari uchun litsenziyalash siyosatini o’zgartiradi. Kompaniya o’z tarixida birinchi marta Play Store va boshqa ilovalar uchun to’lov undirishni rejalashtirmoqda. Google Yevropa Komissiyasi tomonidan qo’yilgan jarima tufayli bu qadamni qo’yishga majbur bo’lmoqda. Joriy yilning iyul oyida Yevropa Komissiyasi texnologiya gigantiga Yevropa Ittifoqining monopoliyaga qarshi qoidalarini buzgani va Chrome brauzeri va Google qidiruv tizimini Androidga «noqonuniy bog’lagani» uchun rekord darajadagi 4,3 milliard yevro miqdorida jarima soldi.

Kompaniya ilgari hech qachon o’z xizmatlari uchun haq olmagan, chunki pul ishlash brauzer va qidiruv tizimi orqali amalga oshirilgan. Biroq, Yevropa Ittifoqining ularni Androiddan «ajratish» talabi Chrome va qidiruvdan keladigan ishlab chiqish xarajatlari va daromadlar o’rtasidagi muvozanatni buzadi. Qurilma ishlab chiqaruvchilari endi Play Store kabi xizmatlar uchun pul to’lashlari kerak bo’ladi, foydalanuvchilar ularni Androidning bir qismi deb o’ylashadi, ammo aslida Google ilovalari hisoblanadi.

Asosiy mobil operatsion tizim bepul va ochiq bo’lib qoladi, ammo agar ishlab chiqaruvchilar o’z mahsulotlariga Play Store yoki boshqa Google xizmatlarini (shu jumladan Gmail, Google Xaritalar, YouTube va boshqalarni) o’rnatmoqchi bo’lsalar, litsenziya to’lovlarini to’lashlari kerak bo’ladi. Chrome qidiruv tizimining bir qismi sifatida bepul kiritilishi mumkin, ammo uni o’rnatish majburiy bo’lmaydi. Kompaniyalar avvalgidek hamma narsani birlashtirish o’rniga, qaysi xizmatlarni o’rnatishni tanlashlari mumkin bo’ladi.

Ishlab chiqaruvchilar o’z qurilmalarini Google ilovalarisiz sof OT bilan, Chromesiz ilovalar bilan yoki barcha ilovalar va qidiruv tizimi bilan sotishlari mumkin bo’ladi. Ikkinchi variant butunlay yangi, ammo u Google uchun xavf tug’diradi, chunki Chrome monetizatsiyada muhim rol o’ynaydi. Ishlab chiqaruvchilar uchun litsenziyalash xarajatlari hali e’lon qilinmagan.