Hakerlar bir nechta xizmat ko‘rsatuvchi provayderlarning DNS-serverlariga buzib kirishdi.

Kiberjinoyatchilar Apple ID maʼlumotlarini o‘g‘irlash va kriptovalyuta mayningi bilan shug‘ullanishni maqsad qilganlar.

Bir nechta kichik internet-provayderlarning DNS-serverlari xakerlik hujumlariga uchradi. Bu haqda mustaqil kiberxavfsizlik eksperti Timofey Shikolenkov seshanba kuni, 5-iyun kuni Facebook’dagi sahifasida maʼlum qildi.

Hujum natijasida foydalanuvchilarga soxta sertifikatlar ko‘rsatildi va ulardan fishing sayti — security.apple.com orqali Apple ID maʼlumotlari bilan tizimga kirish talab qilindi. Hozirda jabrlangan provayderlar va mijozlar soni nomaʼlum, biroq Shikolenkov muammo global miqyosda ekanligini taʼkidlamoqda. Ekspertning so‘zlariga ko‘ra, «aynan kecha (dushanba kuni) dunyoning turli burchaklaridagi bir nechta odam ushbu holatga duch kelgan».

Foydalanuvchi brauzeriga «kiritilgan» skript Pastebin saytida e’lon qilindi. Uning tarkibida kriptovalyuta mayneri borligi ko‘rinadi.