Instagram foydalanuvchi parollarini tasodifan oshkor qildi

Foydalanuvchi parollari «Ma’lumotlaringizni yuklab olish» xizmat sahifasidagi manzil satrida ko’rinib turardi. <br /> <br />

Instagram ma’lumotlarini yuklab olish xizmatidagi xatolik tufayli ba’zi foydalanuvchilarning parollari vositaga bog’langan sahifaning manzil satrida ko’rinib turardi. Bundan tashqari, parollar Facebook serverlarida saqlangan. Muammoning ko’lami hozircha noma’lum, ammo Instagram vakillarining aytishicha, bu hodisa oz sonli foydalanuvchilarga ta’sir qilgan. Kompaniya shuningdek, muammo hal qilinganini ta’kidladi va boshqalarning parollarini ko’rishiga yo’l qo’ymaslik uchun ta’sirlangan foydalanuvchilarga brauzer tarixini tozalashni tavsiya qildi.

Instagram joriy yilning aprel oyida Umumiy ma’lumotlarni himoya qilish to’g’risidagi Nizomga (GDPR) muvofiq ravishda «Ma’lumotlaringizni yuklab oling» vositasini taqdim etdi, ammo xizmat boshqa mamlakatlardagi, shuningdek, Yevropa Ittifoqidagi foydalanuvchilar uchun ham mavjud. So’rov yuborgandan so’ng, Instagram foydalanuvchi xizmatda nima joylashtirgani va kompaniya qanday ma’lumotlarni to’plashi haqida 48 soat ichida to’liq ma’lumot beradi.