Kiberhujum natijasida PIR Bank 58 million rubldan ortiq mablag’ni yo’qotdi.

Bu 2018-yil boshidan beri banklarga qilingan birinchi xakerlik hujumi.

Xakerlar Rossiya Federatsiyasi Markaziy bankidagi vakillik hisobidan kamida 58 million rublni o’g’irlashdi. Mablag’lar 22 ta bankdagi hisoblarga o’tkazildi va bir nechta mintaqalarda naqdlashtirildi. «Kommersant» xabariga ko’ra, voqea 4-iyul kechasi sodir bo’lgan.

Bank hujumni tasdiqladi. Moliyaviy muassasa boshqaruvi raisi Olga Kolosovaning ta’kidlashicha, hozirda o’g’irlikning aniq miqdorini taxmin qilish qiyin, garchi mablag’larning katta qismini yechib olish to’xtatilgan bo’lsa ham.

Kolosovaning aniqlik kiritishicha, bankka hujum qilish uchun ishlatilgan zararli dastur, ehtimol, uning tizimlariga fishing elektron pochtasi orqali kirgan. Zararli dastur hali aniqlanmagan. Ta’kidlanishicha, hujumchilar Rossiya Bankining avtomatlashtirilgan ish stantsiyasiga (ARM KBR) to’liq kirish huquqini qo’lga kiritishgan va bankning Markaziy bankdagi vakillik hisobidan mablag’larni yechib olishga muvaffaq bo’lishgan. Kiberhujum tufayli PIR Bank 4 va 5 iyul kunlari faoliyatini to’xtatishga majbur bo’ldi.

Rossiya Banki ham hujumni tasdiqladi va Markaziy bankning Kredit-moliya sektoridagi kompyuter hujumlarini monitoring qilish va ularga javob berish markazi (FinCERT) vaziyatni tahlil qilishda davom etayotganini va biron bir xulosa chiqarishga hali erta ekanligini ta’kidladi.