Kiberjinoyatchilar atom elektr stansiyalari va qamoqxonalardan minglab hujjatlarni o’g’irlashdi.

Fransiya kompaniyasining serverlaridan minglab maxfiy hujjatlar o’g’irlandi.

Fransiya kompaniyasining serverlaridan atom elektr stansiyalari va axloq tuzatish muassasalariga oid minglab maxfiy hujjatlar o’g’irlangan. Bu haqda Fransiya va Germaniya ommaviy axborot vositalari juma, 2-noyabr kuni xabar berishdi. OAV xabarlariga ko’ra, voqea shu yilning iyun oyida sodir bo’lgan. Noma’lum hujumchilar Ingerop serverlariga xakerlik hujumi uyushtirib, taxminan 65 Gb ma’lumotlarni o’g’irlashgan. Germaniyaning NDR teleradiokompaniyasi ma’lumotlariga ko’ra, o’nlab loyihalardan jami 11 000 ta fayl o’g’irlangan.

Boshqa narsalar qatorida, jinoyatchilar Fransiyaning maksimal xavfsizlikdagi qamoqxonasidagi CCTV kameralarining joylashuvini, Fransiyaning shimoli-sharqidagi yadroviy chiqindilarni yo’q qilish joylariga oid hujjatlarni va 1000 dan ortiq Ingerop xodimlarining shaxsiy ma’lumotlarini qo’lga kiritishgan. O’g’irlangan hujjatlarning ba’zilari Germaniya chegarasi yaqinida joylashgan Fessenxaym atom elektr stantsiyasiga ham tegishli.

Tergovchilar o’g’irlangan ma’lumotlarning bir qismini Germaniyaning Dortmund shahridagi ijaraga olingan serverdan topdilar. Tergov davom etmoqda.

Ingerop vakillari voqea haqida jabrlangan mijozlarini xabardor qilganliklarini va kiberxavfsizlikni kuchaytirish choralarini ko’rganliklarini aytishdi.