Kiberjinoyatchilar banklarga hujum qilishning yangi usulini ishlab chiqdilar.

Hujumlardan yetkazilgan zarar bir necha o’n millionlab dollarga baholanmoqda.

Kaspersky Lab tadqiqotchilari Sharqiy Yevropadagi banklarga qaratilgan DarkVishnya deb nomlangan yangi turdagi hujumni aniqladilar. 2017-2018 yillarda amalga oshirilgan hujumlar allaqachon sakkizta bankka ta’sir ko’rsatgan bo’lib, zarar o’n millionlab dollarga baholanmoqda. Har bir qayd etilgan holatda, hujumchilar bank hududiga zararli dasturlarni o’z ichiga olgan qurilmani joylashtirgan va kompaniyaning korporativ tarmog’iga jismonan ulangan. Odatda, jinoyatchilar noutbuklar, Raspberry Pi kompyuteri va USB hujumlari uchun mo’ljallangan Bash Bunny vositasidan foydalanganlar. Qurilmalar, shuningdek, korporativ tarmoqqa masofadan kirish uchun GPRS, 3G yoki LTE modem bilan jihozlanishi mumkin.

Hujumchilar o’g’irlangan ma’lumotlardan to’lovlarni amalga oshirish uchun ishlatiladigan serverlar va ish stantsiyalariga ulanish uchun foydalanganlar va qonuniy dasturiy ta’minotdan foydalanib, masalan, bankomatlar orqali masofadan turib mablag’larni yechib olishgan.

Odatda, DarkVishnya operatsiyalarida korporativ tarmoqqa kirish nuqtasi uzoq vaqt davomida noma’lum bo’lib qoldi, chunki u turli mintaqalarda va hatto mamlakatlarda joylashgan istalgan ofisda joylashgan bo’lishi mumkin edi. Hujumchilar tomonidan yashirilgan qurilmalarni masofadan turib topish ham imkonsiz edi. Bundan tashqari, jinoyatchilarni aniqlash hujumlarda standart vositalardan foydalanilgani sababli murakkablashdi.