Kiberjinoyatchilar tibbiy asboblarga hujum qilishning yangi usullarini topmoqdalar.

Hujumchilar xato xabarlaridagi ma’lumotlardan kiberhujumga tayyorgarlik ko’rish uchun foydalanishlari mumkin.

Kiberjinoyatchilar qimmatli ma’lumotlarni olish uchun ulangan tibbiy qurilmalar, jumladan, radiologiya va rentgen apparatlari, shuningdek, boshqa tasvirlash tizimlaridan kelgan xato xabarlaridan foydalanmoqdalar. Zingbox mutaxassislarining fikriga ko’ra, bu ma’lumotlar keyinchalik hujumlar uchun ishlatiladi va muvaffaqiyatli xakerlik ehtimolini oshiradi. «Kiberjinoyatchilar ulangan tibbiy qurilmalarga hujum qilishning yangi usullarini topmoqdalar. Ular haqiqiy zarar yetkazishidan oldin biz bir qadam oldinda bo’lishimiz kerak», deb ta’kidladi mutaxassislar.

Kiberhujumning ma’lumot to’plash bosqichi odatda juda ko’p mehnat talab qiladi. Hujumchilar maqsadli tarmoq va qurilmalar haqida iloji boricha ko’proq ma’lumot olishga harakat qilishadi. Tarmoq trafikini keng tarqalgan xato xabarlari uchun kuzatib borish orqali xakerlar qurilma ilovasining ichki ishlashi, masalan, veb-server turi, ishlatiladigan freymvork va versiyalari, ishlab chiqaruvchi ma’lumotlari, ishlatiladigan protokollar va boshqalar haqida qimmatli ma’lumotlarga ega bo’lishlari mumkin. Ushbu ma’lumot bilan ma’lumot to’plash bosqichi sezilarli darajada qisqartiriladi, bu esa kiberjinoyatchilarga o’z hujumlarini maqsadli qurilmaga tezda moslashtirish imkonini beradi.

«Kiberjinoyatchilar qurilma IIS veb-serverida ishlashini, Oracle’dan server sifatida foydalanishini va hatto foydalanuvchi nomlarini yig‘ishini bilsalar, qanchalik samaraliroq bo‘lishlari mumkinligini tasavvur qiling. Bu ularga hujum vektorlarini bemor ma’lumotlari saqlanishi mumkin bo‘lgan ma’lumotlar bazasiga yo‘naltirishga yordam beradi», deya qo‘shimcha qilishdi mutaxassislar.