Kiberjinoyatchilar Xabarovsk o‘lkasidagi banklardan 9 million rubldan ortiq mablag‘ o‘g‘irladilar.

Tinchuvlar davomida politsiya xodimlari kompyuter jihozlari, bank kartalari maʼlumotlarini o‘g‘irlashga mo‘ljallangan qurilma (skimmer) va boshqa buyumlarni musodara qildi.

Xabarovsk o‘lkasida huquqni muhofaza qilish organlari maxsus texnik vositalar yordamida 9 million rubldan ortiq mablag‘ni o‘g‘irlashda gumon qilingan Komsomolsk-na-Amure shahri fuqarosi va uning ikki sherigini qo‘lga oldi. Bu haqda Ichki ishlar vazirligining mintaqaviy matbuot xizmati xabar berdi.

Ish materiallariga ko‘ra, jinoyatchilar bank kartalari maʼlumotlarini o‘qishga mo‘ljallangan maxsus qurilmalar yordamida mablag‘larni o‘g‘irlaganlar. Bundan tashqari, ular xorijiy bank tomonidan chiqarilgan kartalarga kirish imkoniyatiga ega bo‘lib, hisob egalarining mablag‘laridan 23 million rubldan ortiqroq qismini o‘g‘irlashga urinib ko‘rganlar.

Ayblanuvchilarning yashash joylarida o‘tkazilgan tintuvlar davomida politsiya xodimlari muhrlar, turli hujjatlar, kompyuter uskunalari, bank kartasi o‘quvchi qurilmasi, 15 ta mobil telefon hamda 200 ta bank kartasini (ularning taxminan 100 tasi dublikat bo‘lgan) ashyoviy dalil sifatida olib qo‘ydi.

Hozirda tergov harakatlari yakunlandi. Ayblanuvchilarga nisbatan firibgarlikka urinish (30-modda 3-qismi va 159-modda 4-qismi) hamda o‘g‘rilik (158-modda 3 va 4-qismlari) ayblovlari bo‘yicha jinoyat ishi qo‘zg‘atildi. Ish sud muhokamasiga yuborildi.