Kriptovalyuta investorlari xakerlar va firibgarlardan 1,7 milliard dollar zarar ko’rishdi.

Kriptovalyuta investorlari xakerlar va firibgarlardan 1,7 milliard dollar zarar ko’rishdi.

Joriy yilning yanvar va mart oylari oralig’ida 670 million dollar o’g’irlangan.

Crypto Aware 2011 yil iyun va 2018 yil mart oylari oralig’ida kriptovalyuta investorlari ko’rgan zararlar haqida ma’lumot e’lon qildi. Kompaniya ma’lumotlariga ko’ra, investorlar taxminan 1,7 milliard dollar yo’qotishgan. Shundan 670 million dollari joriy yilning yanvar va mart oylari oralig’ida o’g’irlangan.

Crypto Aware asoschisi Anna Vu Business Insider nashriga bergan intervyusida aytganidek, kriptovalyuta bozoriga kiberhujumlarning ko’payishi virtual valyutalar qiymatining oshishi bilan bog’liq bo’lib, bu esa kiberxavfsizlik masalalarida har doim ham yaxshi bilimga ega bo’lmagan yangi investorlarning oqimiga olib keldi.

2017-yil aprel oyida kriptovalyuta bozorining umumiy hajmi qariyb 270 milliard dollarga oshdi (taxminan 27 milliard dollardan). Ushbu mablag’lar oqimi Bitcoin narxining ko’tarilishi va ko’plab yangi kriptovalyutalarning paydo bo’lishi bilan bog’liq.

«Kriptovalyuta bozori narxlarining sezilarli darajada o’sishi har safar firibgarlar va xakerlar faoliyatining ortishi kuzatiladi», deb qo’shimcha qildi Vu.

Shuningdek, u foydalanuvchilarga kriptovalyuta jamg’armalarini markazlashtirilgan birjalarda saqlamaslikni tavsiya qildi. Barcha afzalliklarga qaramay, agar bunday birja buzib kirsa, investorlar barcha mablag’larini yo’qotishlari mumkin, xuddi Yaponiyaning Coincheck birjasida bo’lgani kabi.